Сибирийн бэлэг: таван салаа
Таван салаа нь шархыг эдгээхээс гадна бидний эрүүл мэнд, гоо сайханд хэрхэн хувь нэмэр оруулдаг тухай бүлэг...
Таван салаа бол бидний бага насны найз бөгөөд хамгийн алдартай байгалийн «боолт» юм. Гадаа хүүхдүүдтэй тоглохдоо шалбарч, зүсэгдэхэд бид хамгийн түрүүнд таван салааны навчийг хайж олоод базаж үрчийлгээд шүлсээрээ норгож, шархандаа наагаад хурдан тоглохоо боддог байсан. Гэсэн хэдий ч энэ зэрлэг ургамалд өөр олон давуу талууд байдаг, тэдгээрийн талаар ярилцъя.
Тодорхойлолт: эрхэм аялагч
Таван салаа нь Таван салааны (лат. Plantágo) овогт хамаарагддаг бөгөөд 150 гаруй төрлийн нэг болон олон наст өвслөг ургамал, бут сөөг багтдаг. Энэ ургамал нь зам дагуу «суурьших» чадвартай, хүний хөлийн мөрийг санагдуулах навчны ер бусын хэлбэр дүрсээрээ энэ нэрийг авсан байх. Үг нь өөрөө латин planta (хөл, ул) ба ager (дэлхий, газар) гэсэн үгнээс гаралтай. Хүмүүс таван салааг олон нэрээр нэрлэдэг байсан ч бүгд аялагч, зам дагуу тэнүүчлэх хүнтэй төстэй байв.
Таван салаа маш дур булаам харагддаг. Жижиг цэцэгс нь 45 см хүртэл өндөртэй босоо дэлбэн дээр байрладаг, харин жимс нь олон үрт хайрцаг юм. Таван салааны үр нь хүмүүсийн гутал, амьтны үсэнд наалддаг тул хаа сайгүй ургадаг - алс хойд бүс нутгуудаас бусад газарт Орос даяар зам дагуу, ой мод, нуга, усан сангийн ойролцоо, хашаа, цэцэрлэгт хүрээлэнд ургадаг.
Ямар найрлагатай вэ?
Таван салааны томъёо нь энгийн элементүүд болон нарийн нийлмэл нэгдлүүдийг агуулдаг. Таван салааны үр нь маш их тосны хүчил, уураг ба плантеозыг агуулдаг бол навчинд нь кали, кальци, марганец, төмөр, магни, зэс болон бусад бичил элементүүд байдаг. Навчинд үрэвслийн эсрэг болон шарх эдгээх нөлөөтэй полисахаридууд байдаг, мөн исэлдэх, нөхөн сэргээх үйл явцад оролцдог олон тооны флавоноидуудыг агуулдаг.
Ургамлын өөр өөр хэсгүүд нь пектин (үр - 40% хүртэл, навч - 20% хүртэл), аминдэмийн иж бүрдэл (К, С аминдэм), каротиноид, сапонин, идлэг бодисууд, өргөн хүрээний үйлчилгээтэй гликозид аукубин, органик хүчлүүдийг агуулдаг.
Эмчилгээний шинж чанарууд
Таван салааны эдгээх шинж чанарыг эрт дээр үеэс мэддэг байсан. Домч нар навчийг цус алдалтыг зогсоох, түлэгдэлт, үрэвслийг эмчлэхэд ашигладаг байсан бөгөөд шүүс, хандыг нь биеийн ерөнхий байдлыг сэргээх, янз бүрийн өвчнийг (тэр ч байтугай сүрьеэг) эмчлэхэд ашигладаг байв.
Өвөрмөц биохимийн найрлагатай, бүх бодисуудын харилцан үйлчлэлийн ачаар таван салаа нь ариутгах, шарх эдгээх, цус тогтоох, зөөлрүүлэх, үрэвслийн эсрэг, тайвшруулах, өвдөлт намдаах, шээс хөөх, сэргээх үр нөлөөтэй байдаг. Орчин үеийн анагаах ухаан, гоо сайхан нь ургамлын навч, үрийг эмийн түүхий эд болгон ашигладаг бөгөөд янз бүрийн өвчнийг эмчлэх олон тооны бэлдмэлд таван салааг багтаадаг.
Биемахбодид юугаараа ашигтай вэ?
Ходоод, гэдэсний үйл ажиллагааг дэмжинэ
Таван салаа нь хоол боловсруулалтыг зохицуулна, хоолны дуршлыг нэмэгдүүлнэ, ходоод, гэдэсний гөлгөр булчингийн агшилтыг багасгана, ходоодны үрэвсэл болон ходоод, гэдэсний салст бүрхэвч гэмтсэн үед нөхөн сэргээх үйлчилгээтэй. Найрлага дахь иридоид гликозид, аукубин, каталпол нь ходоодны шүүсний ялгаралтыг ихэсгэж, түүний хүчиллэг чанарыг нэмэгдүүлнэ.
Шарх эдгээнэ
Найрлага дахь фитонцидүүд бактери устгах үйлчилгээтэй, харин К аминдэм цусны бүлэгнэлтийг сайжруулна.
Амьсгалын замын эрхтэнүүдийн эмгэгийн үед тусална
Салст, ферментүүд, фитонцидүүдийг агуулдаг тул таван салаа нь цэр ховхлох үйлчилгээтэй: цэрийг шингэлж, гадагшлуулна, амьсгалын замын хучуур эдийн үсэнцэрүүдийг идэвхижүүлнэ.
Холестерины хэмжээг бууруулна
Сапонинууд, флавоноидууд, оксикорийн хүчлүүд ба пектиний бодисууд цусан дахь холестерины хэмжээг бууруулах үр нөлөөтэй.
Гоо сайханд өргөн хэрэглэдэг
Таван салаа нь гэмтсэн эдийг нөхөн төлжүүлнэ, арьсыг тайвшруулж, зөөлрүүлнэ, нүхжилтийг цэвэрлэнэ, эдийн уян хатан чанарыг нэмэгдүүлнэ, нүүрний өнгийг тэгшилнэ:
– биофлавоноидууд бол исэлдэлтийн эсрэг хүчирхэг бодис тул хөгширөлтийн үйл явцуудыг удаашруулж, арьсны уян хатан чанарыг дээшлүүлнэ;
– аминдэмүүд чөлөөт радикалуудын хортой нөлөөнөөс арьсыг хамгаална, коллагений үүсэлтийг идэвхижүүлнэ, арьсыг тэжээнэ;
– салицилийн хүчил тослог ба асуудалтай арьсны шинж тэмдгүүдийг багасгана;
– идлэг бодисууд тосны булчирхайны үйл ажиллагааг хэвийн болгоно;
– полисахаридууд арьсны усны тэнцвэрийг нөхөн сэргээнэ.
Таван салаа нь өргөн хүрээний ашигтай шинж чанаруудтай тул Siberian Wellness-ийн олон бүтээгдэхүүний найрлаганд багтдаг:
