есдүгээр сар

Сибирийн бэлэг: хотой өвс

Дэлхийд алдартай хогийн ургамал мэдрэлийг тайвшруулж, зүрхийг дэмжиж, үрэвслийг эмчилдэг тухай бүлэг...

Хүн бүр хотой өвсийг юуны түрүүнд мэдрэлийг тайвшруулах, нойргүйдлээс ангижруулах үр өгөөжтэй бэлдмэл гэдгийг мэддэг. Гэхдээ энэ ургамалд өөр олон ашигтай шинж чанарууд байдаг. Хотой өвс ямар үнэ цэнэтэй, өөр ямар шинж чанартай, яагаад түүнийг олон жилийн турш анагаах ухаанд идэвхитэй ашиглаж байгаа тухай бид ярьж өгье.

Хотой өвсийг гаднаас нь харахад эмийн ургамал гэдэг нь огтхон ч мэдэгдэхгүй. Зүрхний буюу энгийн хотой өвс (Leonurus cardiaca) нь Ламиасеагийн гэр бүлийн олон жилийн цэцэгт ургамал бөгөөд ямар ч гайхалтай гоо үзэсгэлэнтэй харагддаггүй.

Энэ бол таатай нөхцөлд 150 см хүртэл ургадаг нэлээд өндөр хогийн ургамал юм. Босоо, салаалсан, дөрвөн талт иштэй. Навч нь дунд хэсэг хүртлээ хуруу хэлбэртэй зүсэгдсэн, тод ногоон, доод хэсэгтээ саарал өнгөтэй. Хотой өвс ягаан, хөх ягаан эсвэл цагаан өнгийн цэцэгсээр зуны турш цэцэглэдэг. Жимс нь хар хүрэн гурвалжин хэлбэртэй самар юм.

Зэрлэг байгальд хотой өвс нь Уралаас Монгол, Хятадын хил хүртэлх Сибирийн өмнөд бүс нутагт, Памир-Алай, Тянь-Шань, Алтай, Буриадын уулсын хөндийд ургадаг. Ургамал нь шинэ нөхцөлд амархан дасан зохицож, чийглэг газар, ойн зах, хүний амьдардаг газар, замын хажууд илүүд ургадаг. Хөндий сүүдэртэй газарт их ургадаг энэ ургамлыг хотой өвс гэж нэрлэсэн. Мөн түүний латин нэрийг «арслангийн сүүл» гэж орчуулдаг.

Гэсэн хэдий ч энэхүү анхаарал татдаггүй ургамал нь эмчилгээний өвөрмөц шинж чанартай тул олон зууны турш уламжлалт анагаах ухаанд ашиглагдаж ирсэн. Хотой өвс нь ОХУ-ын улсын эмийн үйлдвэрлэлд хүндтэй байрыг эзэлдэг бөгөөд тайвшруулах, даралт бууруулах бүлгийн бэлдмэлд харьяалагддаг.

Хүмүүст ашиг тусыг үзүүлэх хотой өвсний хамгийн үнэ цэнэтэй бодисууд:

флавоноидууд – исэлдэлтийн эсрэг ба биеийн ерөнхий байдлыг сайжруулах шинж чанартай, эсийг гэмтлээс хамгаална;
алкалоидууд – тайвшруулах ба өвчин намдаах үйлчилгээтэй идэвхитэй бодисууд;
гликозидууд – цусны эргэлтийг сайжруулна, зүрхний хэмнэлийг хэвийн болгох үйлчилгээтэй;
эфирийн тоснууд – ургамлыг өвөрмөц үнэртэй болгодог ба тайвшруулах үр дүнтэй;
идлэг бодисууд – үрэвслийг намдааж, хоол боловсруулалтыг сайжруулна;
аминдэмүүд ба эрдсүүд – C аминдэм, каротин, мөн төмөр, магни, кальци зэрэг эрдсүүдийг агуулна.

Хотой өвсөнд маш хүчтэй идэвхитэй бодисууд агуулагддаг тул исэлдэлтийн эсрэг хүчирхэг үйлчилгээтэй, эсийн бүтцийг исэлдэх стресс ба чөлөөт радикалуудаас хамгаалдаг. Үүнээс гадна хотой өвс нь үнэ цэнэтэй бусад шинж чанартай:

тайвшруулах шинж чанар: хотой өвс нь бидний мэдрэлийн тогтолцоог тайвшруулдаг тул мэдрэлийн өвчин, стресс, түгшүүр, сэтгэл гутралын үед, нойр хямрахад их хэрэглэдэг;
агшилтыг сулруулах үйлчилгээ: гөлгөр булчин агших үед ургамал тусална, тиймээс гэдэс өвдөхөд, сарын мөчлөгийн өвдөлтийг намдаахад хэрэглэдэг;
зүрх, судасны тогтолцоог дэмжинэ: хотой өвсний ханд даралтыг бууруулна, цусны эргэлтийг сайжруулна, цусны бүлэгнэлтийг удаашруулна, зүрхний хэмнэлийг тогтворжуулна, цусны бүлэн үүсэх эрсдлийг багасгана;
үрэвслийн эсрэг үйлчилгээ: төрөл бүрийн үрэвслийн үед, дан ялангуяа ходоод, гэдэсний замын үрэвслийг намдаана;
хоол боловсруулалтыг сайжруулна: хотой өвс хоолны дуршлыг идэвхижүүлж, ходоод ажиллагааг хэвийн болгоно;
эмэгтэйчүүдийн эрүүл мэндийг тэтгэнэ: хотой өвсийг сарын мөчлөгийг хянан зохицуулахад, мөн цэвэршилтийн шинж тэмдгүүдийг хөнгөвчлөхөд хэрэглэдэг.

Хотой өвсний үнэ цэнэтэй ханд нь Siberian Wellness-ийн дараахь бүтээгдэхүүнүүдэд агуулагддаг:

1. Зэрлэг урагмлын цай № 3 (Байгалийн гаралтай стресс эсэргүүцэгч) – Baikal Tea Collection
Хотой, батраш, хахуун өвс ба бамбайн цуглуулга нь зөөлөн тайвшруулж, архаг ядаргааг тайлна, стресст тогтвортой болгож, сайн нойрсуулна.

Сибирийн гайхалтай ургамлуудын тухай ярьснаар та манай өргөн уудам нутгийн ургамлын ертөнцийг илүү их сонирхож, танин мэдэх болно гэдэгт найдаж байна!