Сибирийн бэлэг: хошоонгор

Тал хээрийн даруухан, сэтгэл татам ургамал хэрхэн бидэнд олон ашиг тусыг авчирдаг тухай бүлэг...

Хошоонгортой бид нэг бус удаа тааралдаж байсан. Харин дөрвөн навчтай нь азыг авчирдаг гэдэг. Хүүхэд насныхаа дурсамжийг санаж байна уу? Энэ ургамал нь аз авчрахаас гадна мөн хөл доорхи жинхэнэ ногоон эмийн сан юм. Дан ялангуяа Сибирьт хошоонгор нь гэртээ байгаа юм шиг л ургадаг. Түүний талаар илүү ихийг олж мэдье!

Ботаникийн дүр төрх

Хошоонгор (лат. Trifólium) -- энэ бол Шошны төрөлд багтах 15--60 см өндөр, тах хэлбэрийн цайвар хээтэй, өвөрмөц гурвалсан навчтай өвслөг ургамал юм. Хөвсгөр бөмбөлөг хэлбэртэй цэцгийн багцаар нь амархан таньж болох бөгөөд төрөл зүйлээсээ хамааран ягаан, цагаан эсвэл хөх ягаан өнгөтэй байдаг ба зөгийнүүдийг амттай балаараа татдаг. Орост хошоонгор тал хээр, ойн зах, зам дагуу болон хотын цэцэрлэгт хүртэл хаа сайгүй ургадаг. Ялангуяа чийглэг, тэжээллэг хөрсийг ихэд таашаадаг тул дунд бүсэд болон Сибирьт бүтэн цэцгийн хивс мэт талбайд ургадаг.

Сибирь нутагт ургамлын хэд хэдэн төрөлтэй тааралдаж болно.

Талын хошоонгор (Trifolium pratense) -- эмчилгээний шинж чанараараа алдартай ба дэлхийн олон улс оронд эмийн ургамал гэж хүлээн зөвшөөрөгдсөн. 60 см хүртэл өндөр ургадаг, бараан, ягаан эсвэл улаан хүрэн цэцэгтэй.

Мөлхөө хошоонгор (Trifolium repens) -- нам ургадаг, мөлхөө нахиа ба цагаан цэцэгтэй. Сайхан зөгийн бал өгдөг ч, эмийн зорилгоор ховор ашиглагддаг.

Лупин хошоонгор (Trifolium lupinaster) -- таван навчтай ба ягаан, хөх ягаан цэцгээрээ ялгардаг. Ойн зах ба нугад ургах дуртай, эмчилгээний зорилгоор ховор ашиглагддаг.

Баялаг түүхтэй байгалийн домч

Талын хошоонгорын эмчилгээний шинж чанарыг Эртний Хятадад нээсэн бөгөөд түүнийг хэрх өвчин, гэдэс болон элэгний өвчнийг эмчлэхэд ашиглаж байжээ. Эртний Грек, Ромчууд энэ ургамлыг цус цэвэрлэх чадвараар нь өндрөөр үнэлдэг байсан бол Дундад зуунд арьсны өвчин болон эмэгтэйчүүдийн эмгэгийг эмчлэхэд идэвхтэй ашиглаж байжээ. Орост хошоонгорын цэцгийн багцыг мэс засалд орсон эсвэл шарх авсан хүмүүст өгдөг байсан, учир нь ургамал амьдралын хүчийг хурдан сэргээдэг байжээ. Дараа нь хошоонгор олон ашигтай бодисоор баялаг болох нь тогтоогдсон бөгөөд үүнд зэс, магни, хром, кальци, С, Е, К аминдэмүүд, В-гийн бүлгийн аминдэм ба бусад ашигтай бодисууд ордог. Түүнд мөн салицилийн хүчил (аспирин, санаж байна уу?), изофлавонууд (генистеин, дайдзеин ба бусад) ба биофлавоноидууд (кверцетин ба бусад) агуулагддаг.

Дээр дурьдсан идэвхтэй бүрэлдэхүүн хэсгүүд нь хошоонгорын эмчилгээ, урьдчилан сэргийлэх үйлчилгээг хангадаг бөгөөд түүнийг орчин үед эмч нар амжилттай ашигладаг. Хошоонгорт сууриласан бэлдмэлүүд үрэвслийн эсрэг, бактери устгах, вирусын эсрэг, цэр ховхлох, хөлс ялгаруулах, цөс хөөх үйлчилгээгээрээ алдартай. Эдгээр нь иж бүрэн цэвэрлэх, хоргүйжүүлэх үр нөлөөг хангана. Ардын эмчилгээнд ургамлыг цагаан мөгөөрсөн хоолойны үрэвсэл, архаг ханиад, өвдөлттэй сарын мөчлөг, их хэмжээний умайн цус алдалт, судасны хана хатуурах зэрэг эмгэгүүдэд хэрэглэдэг.

Хошоонгорын үндсэн үйлчилгээг үзүүлдэг бодисууд бол изофлавонууд (генистеин, прунетин, формононетин ба бусад) юм. Эдгээр фитоэстрогенүүд дааврын тэнцвэрийг хэвийн болгож, дааврын өөрчлөлтийн үед (сарын мөчлөгийн өмнөх үе, цэвэршилтийн өмнөх ба цэвэршилтийн үед) эмэгтэйчүүдийн биеийн байдлыг сайжруулна. Тэдгээр нь мөн элэг хамгаалах шинж чанартай ба зүрх, судасны тогтолцоонд сайнаар нөлөөлнө, бүлэн ба судасны хананд товруу үүсэх боломжийг багасгана, ясны сийрэгжилт үүсэхээс сэргийлнэ.

Ургамалд кумарин, флавоноид, идлэг бодисууд, трифолин ба изотрифолин гликозидууд , органик хүчлүүд (п-кумарын, салицилийн, кетоглутарын), аминдэмүүд (аскорбины хүчил, тиамин, рибофлавин, каротин, токоферол), эрдсүүд(кальци, магни, төмөр), эфирийн ба тослог тос зэрэг бусад биологийн идэвхтэй онцгойд иж бүрдэл агуулагддаг.

Эрүүл мэндийг хамгаалах олон үйлдэлтэй туслах

Хошоонгор химийн баялаг найрлагатай тул хүний биемахбодид олон талын үйлчилгээг үзүүлдэг:

Зүрх, судсыг эрүүлжүүлнэ -- холестериний түвшнийг бууруулна, өвчин эмгэг үүсэх эрсдэлийг багасгана, судасны ханыг бэхжүүлнэ.

Эмэгтэйчүүдийн эрүүл мэндийг тэтгэнэ -- өвдөлттэй эсвэл хэт их ирэх сарын мөчлөгийн үед өвдөлтийг намдаана, халуу оргихыг зөөлрүүлнэ, сарын мөчлөгийн өмнө ба цэвэршилтийн үед сэтгэл санааны өөрчлөлтийг тэнцвэржүүлнэ.

Хоол боловсруулалтыг сайжруулна -- найрлага дахь флавоноидууд гэдэсний гүрвэлзэх хөдөлгөөнийг идэвхжүүлнэ, бодисын солилцоог хэвийн болгоно, хошоонгорын хандыг ходоодны үрэвслийг намдаах, хоолны дуршлыг сайжруулахад хэрэглэдэг.

Ханиалгыг хөнгөвчилнө -- цэр ховхлох үйлчилгээтэй ба уушиг, цагаан мөгөөрсөн хоолойны эмгэг, ханиад томууны үед хэрэглэдэг.

Арьсыг эдгээнэ -- шарх ба идээт үрэвслийн үед ариутгах бэлдмэлийн хувьд хэрэглэдэг.

Биемахбодыг цэвэрлэнэ -- хортой бодисуудыг гадагшлуулна, ус, давсны тэнцвэрийг хэвийн болгоно, зөөлөн шээс хөөх үйлчилгээтэй.

Биеийн ерөнхий байдлыг сайжруулна -- ядаргааг тайлж, сэргээнэ, хүч чадлыг сэлбэнэ.

Хошоонгор Siberian Wellness-ийн дараахь бүтээгдэхүүнд агуулагддаг:

Baikal Tea Collection цувралын Зэрлэг ургамлын фитоцай 1 (Цэвэрлэгээ ба шингэн гадагшлуулах)
Хошоонгор, боролзгоно ба ногоон цайтай ургамлын цуглуулга нь илүүдэл шингэнийг гадагшлуулж, хуримтлагдсан хортой бодисуудаас ангижруулна.

Дараагийн удаа хошоонгор харвал таны өмнө зүгээр нэг азын бэлгэ тэмдэг биш, харин эрүүл мэндийн үнэт баялаг байна гэдгийг санаарай!