Siberian Wellness Узбекистан дахь газрын нөхөн сэргээлтийн туршлагаа Цөлжилттэй тэмцэх НҮБ-ын бага хуралд хуваалцлаа

8-р сарын 20-нд Улаанбаатар хотноо НҮБ-ын Цөлжилттэй тэмцэх конвенцын Талуудын 17 дугаар бага хурлын (COP17) хүрээнд газрын доройтлыг саармагжуулахад чиглэсэн зах зээлийн хөшүүрэг болон цөлжилттэй тэмцэхэд бизнесийн салбарын гүйцэтгэх үүргийг хэлэлцсэн Yielding to Nature («Байгальд зам тавьж өгөх нь») дугуй ширээний уулзалт боллоо. Зохион байгуулагчаар Компанийн түнш болох «Байгаль ба хүмүүс» сан ажиллав. Мэргэжилтнүүд газрын доройтлын тэнцвэрийг саармагжуулсан байдлыг баталгаажуулах олон улсын гэрчилгээжүүлэлтийн тогтолцоог бий болгохыг санал болгов. Siberian Wellness NamAgroTech төслийн хүрээнд хөрсийг нөхөн сэргээсэн туршлагаа танилцууллаа.

Газрын доройтол нь XXI зууны байгаль орчин, эдийн засгийн гол асуудлуудын нэг юм. Энэ нь хүнсний аюулгүй байдал, байгалийн нөөцийн хүртээмж, үйлдвэрлэлийн сүлжээний тогтвортой байдал болон сая сая хүний амьдралын чанарт шууд нөлөөлдөг. Тиймээс газрын нөхөн сэргээлтэд бизнесийн салбарын оролцоо нь зөвхөн байгаль орчны өмнө хүлээсэн хариуцлагын асуудал төдийгүй стратегийн зайлшгүй шаардлага юм. «Байгаль ба хүмүүс» сан нь газрын доройтлын тэнцвэрийг саармагжуулах (ГДСТ) сайн дурын гэрчилгээжүүлэлтийн тогтолцоог бий болгох чиглэлээр олон талт ажлын санаачилгын бүлэг байгуулах, суурь стандартыг боловсруулж, хараат бус баталгаажуулалтын журмыг тодорхойлох, тэдгээрийг туршилтын төслүүдээр туршин хэрэгжүүлэх санал дэвшүүллээ.

«Чухамхүү компаниуд нь газрын нөөцийг хамгийн ихээр ашигладаг. Үүний зэрэгцээ бизнесийн салбарт байгальд хөрөнгө оруулахыг уриалахаас гадна гарсан үр дүнг баталгаажуулах боломжтой эдийн засгийн хөрөнгө болгон хувиргах тодорхой механизм хэрэгтэй. Байгаль орчны ийм хэрэгслийн хувьд «Байгаль ба хүмүүс» Сан нь газрын доройтлын саармаг тэнцлийн (ГДСТ) олон улсын сайн дурын гэрчилгээжүүлэлтийг нэвтрүүлэхийг санал болгож байна» хэмээн «Байгаль ба хүмүүс» сангийн ерөнхий захирал Сергей Рыбаков онцоллоо. – Газрын доройтлын саармаг тэнцлийн үзүүлэлтүүдийг зөвхөн олон улсын үүрэг амлалтын түвшинд төдийгүй тодорхой аж ахуйн нэгж болон нийлүүлэлтийн сүлжээний түвшинд харгалзан үзэх шаардлагатай. Ийм гэрчилгээ нь шинэ доройтлоос урьдчилан сэргийлэх, үзүүлэх нөлөөллийг бууруулах, доройтсон газрыг нөхөн сэргээх зэрэг бодит үр дүнг баталгаажуулах ёстой. Ингэснээр компаниуд байгаль орчны өндөр шаардлага тавьдаг дээд зэрэглэлийн зах зээлд нэвтрэх, ногоон хөрөнгө оруулалтын эрсдэлийг бууруулах, мөн ойн гэрчилгээжүүлэлтийн жишгээр хуурай болон хээрийн экосистемд тохируулсан аргачлалыг ашиглан ESG-ийн зорилтуудад хүрсэн байдлыг хэмжих тодорхой үзүүлэлттэй болох боломжтой болно».

Дугуй ширээний уулзалтын үр дүнд тус Сан оролцогчдын нийтлэг байр суурийг тусгасан саналуудыг боловсруулж, НҮБ-ын Цөлжилттэй тэмцэх конвенцын Нарийн бичгийн дарга нарын газарт хүргүүлнэ. 2024 оноос хойш «Байгаль ба хүмүүс» Сан нь тус Конвенцын дэргэд итгэмжлэгдсэн ОХУ-ын цорын ганц төрийн бус байгууллага (ТББ) юм.

Дугуй ширээний уулзалтын үеэр Siberian Wellness Узбекистан дахь доройтсон газрыг зургаан жилийн турш нөхөн сэргээсэн туршлагаа танилцууллаа: NamAgroTech төслийн хүрээнд Компани 1200 га талбай бүхий чулуурхаг, эзгүй газрыг Узбекистан, Франц, Испани, Австрали болон АНУ-ын үржүүлгийн газруудаас авчирсан 500 000 мод бүхий үр жимс ургадаг цэцэрлэг болгон өөрчилсөн бөгөөд өдгөө жил бүр 2,5 мянган тонн ургац хураан авч байна.

Түүхий эдээс эхлээд бэлэн бүтээгдэхүүн хүртэлх үйлдвэрлэлийн бүрэн мөчлөгийг ус хэмээх амин чухал нөөцгүйгээр хэрэгжүүлэх боломжгүй байлаа. Ноцтой усны хомсдол нь Компанийн өмнө өмнө нь тулгарч байгаагүй шинэ сорилт болсон. Төслийн хүрээнд усны нөөцийг удирдах өөрийн системийг эхнээс нь шинээр боловсруулсан. Энэхүү систем нь хуурай, гандуу бүс нутгийг тогтвортой усаар хангах олон эх үүсвэрээс ус татах систем болон 182 мян. шоо метрийн багтаамжтай усан сангийн хуримтлуураас бүрдэх бөгөөд энэ нь ган гачгийн үед үүсэх эрсдэлийг бууруулах боломжийг олгодог. Үүнээс гадна усыг ургамлын үндэст шууд хүргэж, ууршилтаас үүдэх усны алдагдлыг хамгийн бага түвшинд хүргэдэг дуслын усалгааны системийг ашигладаг. Ийм загвар нь зөвхөн нөөцийг хэмнэх арга төдий бус, усыг ухаалгаар удирдан хөрсийг нөхөн сэргээх замаар цөлжилттэй тэмцэх хэрэгсэл юм.

«Зургаан жилийн турш манай олон улсын баг NamAgroTech төслийн хүрээнд Узбекистан улсад доройтсон газрыг нөхөн сэргээхээс эхлээд түүхий эдийг тариалах, түүнийг хаягдалгүйгээр бэлэн бүтээгдэхүүн болгон боловсруулах хүртэлх бүрэн мөчлөгт төслийг хэрэгжүүлж байна. Бид газрын нөөцийн менежментийн чиглэлээр гэрчилгээжүүлэлтийн тогтолцоог хөгжүүлэхийг дэмждэг, учир нь бид хөрсийг нөхөн сэргээх чиглэлээр хуримтлуулсан өвөрмөц туршлагатай бөгөөд үүнийг байгаль орчны төдийгүй бизнесийн үнэ цэнтэй гэж үздэг, мөн газрын нөөцийг хамгаалахад бизнесийн оруулж буй хувь нэмрийг хараат бусаар үнэлэх шаардлагатай гэдэгт итгэлтэй байна. Газрын доройтлыг бууруулах боломжтой гэдгийг бид Узбекистан дахь NamAgroTech төслийн хүрээнд бодит ажил хэрэг дээр харуулсан. Газрын гэрчилгээжүүлэлт нь энэхүү үр дүнг өргөжүүлэн хэрэгжүүлэхэд бидэнд тусалж чадна» хэмээн Siberian Wellness-ийн үйл ажиллагаа хариуцсан захирал, NamAgroTech төслийн үйл ажиллагааны удирдагч Ксения Есина онцоллоо.

Тус арга хэмжээнд Монгол Улсын COP-17 зохион байгуулах Үндэсний хорооны төлөөлөгчид, НҮБ-ын Цөлжилттэй тэмцэх конвенцын «Төв Ази – Орос» бүс нутаг хоорондын бүлгийн товчоо, ОХУ-ын «НРГ» холбоо, «Газрыг хамгаалж тариалан эрхлэх үндэсний хөдөлгөөн» ашгийн бус түншлэл болон бусад байгууллагын төлөөлөл оролцлоо.